Олий Мажлис Сенати Суд-ҳуқуқ масалалари ва коррупцияга қарши курашиш қўмитасининг навбатдаги мажлисида “Норматив-ҳуқуқий ҳужжатларнинг ва улар лойиҳаларининг коррупцияга қарши экспертизаси тўғрисида”ги Қонун муҳокама қилинди.

Коррупцияга қарши курашиш агентлиги ва манфаатдор идоралар билан биргаликда ишлаб чиқилган мазкур ҳужжатда қуйидагилар назарда тутилган:

➖коррупцияга қарши экспертизани ўтказиш адлия органлари, Коррупцияга қарши курашиш агентлиги, ташкилотлар юридик хизматлари томонидан ҳам ўтказилади;

➖коррупцияга қарши экспертиза ўтказиладиган норматив-ҳуқуқий ҳужжатлар доираси аниқ белгиланмоқда;

➖қонунчилик ҳужжатларини коррупцияга қарши экспертизадан ўтказишда жамоатчилик иштироки мустаҳкамланмоқда.

Сенаторлар фикрича, ушбу Қонун амалдаги ҳамда қабул қилинаётган норматив-ҳуқуқий ҳужжатларнинг сифати ошишига хизмат қилади.

Муҳокамалар якунида Қўмитанинг тегишли қарори қабул қилиниб, масъул ташкилот ва идораларга тегишли вазифа ва тавсиялар берилди.

Коррупцияга қарши курашиш агентлиги

Ахборот хизмати

2706 1015 Босма версияси

Korrupsiyaga qarshi kurashish Axborot xizmati 21.06.2023

• Ҳаволадан нусха олиш