Давлат хизматчиларининг даромадлари ва мол-мулкини декларация қилиш бошқармаси

Давлат хизматчиларининг даромадлари ва мол-мулкини декларация қилиш бошқармаси  давлат хизматчиларининг даромадлари ва мол-мулкини декларация қилиш тизимини жорий этилиши ва самарали фаолият кўрсатишини ҳамда декларацияларнинг ҳаққонийлигини текширилишини ташкил этиш, шунингдек, ушбу жараёнда аниқланган коррупция ҳолатларига ўз вақтида таъсир чоралари кўрилишини таъминлайди.

Хусусан, бошқарма қуйидаги функцияларни амалга оширади:

- Давлат хизматчиларининг даромад ва мол-мулкини декларация қилиш тизими жорий этилиши ва самарали фаолият кўрсатишини ҳамда декларацияларнинг хаққонийлиги текширилишини ташкил этиш, шунингдек, ушбу жараёнда аниқланган коррупция ҳолатларига ўз вақтида таъсир чоралари кўрилишини таъминлаш;

- Давлат хизматига ҳалоллик стандартларини жорий этишда кўмаклашиш бўйича таъсирчан чораларни кўриш;

- Давлат хизматчиларининг даромад ва мол-мулкини декларациялаш йўналишида ўрганиш ва таҳлиллар ўтказиш;

- Жисмоний ва юридик шахсларнинг коррупция масалалари бўйича мурожаатларини кўриб чиқиш ҳамда уларнинг бузилган ҳуқуқларини тиклаш ва қонуний манфаатларини ҳимоя қилиш бўйича чоралар кўриш.

Бошқарма томонидан 2024 йил давомида Project.gov.uz - Норматив-ҳуқуқий ҳужжатлар лойиҳасини ишлаб чиқиш ва келишишнинг ягона электрон тизими орқали келиб тушган 34 та норматив-ҳуқуқий ҳужжатлар ва уларнинг лойиҳаларини коррупцияга қарши экспертизадан ўтказилиб, 17 та коррупция омиллари олдини олиш бўйича тегишли ташкилотларига муносабат билдирилди.

Шунингдек, жисмоний ва юридик шахслардан келиб тушган жами 1557 та мурожаат кўриб чиқилиши таъминланди.

Бундан ташқари, вазирлик ва идоралар, давлат муассасалари ва ташкилотлари ходимларининг тадбиркорлик фаолияти билан шуғулланиш ҳолатлари юзасидан ўрганишлар ўтказилиб жами 1488 та бошқарув ходимлари томонидан 1653 та тадбиркорлик субъектларида таъсисчилик асосида фаолият юритиб келаётганликлари аниқланди.

Аниқланган қонун бузилиши ҳолатларини олдини олиш бўйича вазирлик ва идораларга 33 та тақдимномалар киритилди ҳамда вазирлик ва идоралар томонидан ходимларининг тадбиркорлик субъектлар таъсисчилигидаги фаолиятини тўхтатиш чораларини кўриш, тадбиркорлик фаолияти билан шуғулланмаслик ва келгусида шу каби ҳолатларга йўл қўймаслик ҳақида расман огоҳлантирилиши таъминланди.

• Ҳаволадан нусха олиш