“Тадбиркорлик фаолиятига ноқонуний аралашувларни чеклаш ва назорат тадбирларининг шаффофлигини ошириш чора-тадбирлари тўғрисида”ги Президент Фармони қабул қилинди.

Фармонга кўра, 1 июлдан бошлаб "Ягона давлат назорати" ахборот тизими ва унинг мобил иловаси янги имкониятлар билан ишга туширилади. 

Давлат хизматчиси тадбиркорлик субъекти билан қонунчилик талаблари асосида ва ўз вазифасини бажариш учун амалга оширилган мулоқот асосли ҳисобланди.

Ушбу ҳолатларга кирмайдиган ҳамда манфаатлар тўқнашуви ёки коррупциявий хавф-хатарларга олиб келувчи мулоқот эса асоссиз деб топилади.

Мулоқотнинг асосли ёки асоссиз эканига баҳо бериш тегишли давлат органининг коррупцияга қарши ички назорат тузилмаси томонидан амалга оширилади.

"Ягона давлат назорати" ахборот хизматига мулоқот ҳақидаги маълумотларни киритиш давлат хизматчиларини учун мажбурий саналади.

Коррупцияга қарши курашиш агентлиги, Бизнес омбудсман билан биргаликда тизимга киритилган маълумотларни доимий мониторинг қилиб боради, шунингдек, қонунчиликда белгиланган ҳолларда ахборот ҳуқуқни муҳофаза қилувчи органларга тақдим этилади.

Айни бир тадбиркорик субъекти билан бир йил давомида икки ёки ундан ортиқ маротаба асоссиз мулоқотга киришган давлат хизматчисига давлат органининг коррупцияга қарши ички назорат тузилмаси томонидан хизмат текшируви ўтказилади ва бошқа чоралар кўрилади.

Коррупцияга қарши курашиш агентлиги

Ахборот хизмати

139 77 Босма версияси

Korrupsiyaga qarshi kurashish Axborot xizmati 18.04.2026

• Ҳаволадан нусха олиш