Қурилиш ва уй-жой коммунал хўжалиги соҳасида коррупцияга қарши кураш ва рақамлаштириш бўйича амалга оширилган ишлар тақдимот қилинди

Амалий мулоқот доирасида Қурилиш ва уй-жой коммунал хўжалиги вазирлигида коррупцияга қарши курашиш ҳамда соҳани рақамлаштириш йўналишида амалга оширилган ишлар тақдимоти билан танишилди.

Дастлаб Ахборот-коммуникация технологияларини ривожлантириш Республика марказида “Шаффоф қурилиш” миллий ахборот тизимининг имкониятлари кенг намойиш этилди.

Қайд этилишича, бугунги кунда мазкур тизим доирасида 24 та давлат хизмати тўлиқ рақамлаштирилган бўлиб, ундан фойдаланувчилар сони 2,2 миллион нафарга етган.

Хусусан, лицензиялаш, рухсатнома бериш ҳамда лойиҳа-смета ҳужжатларини келишиш жараёнлари инсон омилисиз, тўлиқ электрон шаклда амалга оширилмоқда.

Тизим Адлия, Ички ишлар вазирликлари, Олий суд ва Кадастр агентлигининг ахборот тизимлари билан интеграция қилингани натижасида маълумотлар алмашинуви тезлашган ва коррупциявий хавф-хатарлар сезиларли даражада камайтирилган.

Тақдимот давомида қурилиш соҳасида электрон давлат харидларини ўтказиш платформаси ҳақида ҳам батафсил маълумот берилди.

Таъкидланганидек, мазкур платформа орқали жами 66,3 триллион сўмлик тендерлар ўтказилиб, 3,27 триллион сўм маблағ тежалган.

“Менинг уйим” биллинг тизими тақдимотида маълум қилинишича, бугунги кунда ушбу тизимга 42 410 та кўп хонадонли уй киритилган, абонентлар сони эса 1,5 миллион нафарга етган. Тизим орқали аҳоли томонидан 1 триллион сўмдан ортиқ мажбурий бадаллар тўланган.

Вазирликда жорий этилган “Опен спасе” иш тизими эса қарор қабул қилиш жараёнларининг очиқлигини таъминлаш, тузилмалар ўртасида самарали ҳамкорликни йўлга қўйиш, жамоавий ишлаш муҳитини шакллантириш ҳамда ходимларнинг шахсий масъулиятини оширишга хизмат қилмоқда.

Коррупцияга қарши курашиш агентлиги

Ахборот хизмати

722 111 Босма версияси

Korrupsiyaga qarshi kurashish Axborot xizmati 08.01.2026

• Ҳаволадан нусха олиш