Диссертация ҳимояси жараёнларида очиқлик ва шаффофликни таъминлаётган илмий кенгашлар фаолияти эътироф этилмоқда

Президент Фармони ижроси доирасида илмий даражалар олиш учун ўтказиладиган диссертация ҳимояси жараёнларини Интернет тармоғи орқали жонли эфирга узатишда очиқлик ва шаффофлик тамойилларига қатъий амал қилаётган илмий кенгашлар Коррупцияга қарши курашиш агентлиги томонидан алоҳида эътироф этилмоқда.

Хусусан, Тошкент давлат тиббиёт университети ҳузуридаги илмий кенгашлар диссертация ҳимояларини трансляция қилишда нафақат сон кўрсаткичларига, балки жараёнларнинг жамоатчилик учун қулай ва сифатли тарзда тақдим этилишига ҳам алоҳида эътибор қаратмоқда.

Мазкур фаолиятни очиқлик ва шаффофлик тамойиллари асосида самарали йўлга қўйгани учун ушбу илмий кенгашлар Агентлик директорининг Ташаккурномаси билан тақдирланди.

Агентлик томонидан қонунчилик ҳужжатларида белгиланган маълумотларни Интернет тармоғи орқали жонли эфирга узатиш бўйича мажбуриятлар бажарилишини мониторинг қилиш ишлари мунтазам давом эттирилади.

Коррупцияга қарши курашиш агентлиги

Ахборот хизмати

144 50 Босма версияси

Korrupsiyaga qarshi kurashish Axborot xizmati 04.04.2026

• Ҳаволадан нусха олиш