БМТнинг Коррупцияга қарши конвенцияси талабларининг бажарилиши ННТлар томонидан илк бор мустақил мониторинг қилинди

Ўзбекистонда БМТнинг Коррупцияга қарши конвенцияси талабларининг бажарилиши илк бор нодавлат нотижорат ташкилотлари вакиллари томонидан мустақил равишда мониторинг қилинди ҳамда муқобил баҳолаш механизмларини жорий этиш амалиёти йўлга қўйилди.

Хусусан, “Ўзбекистонда очиқлик ва шаффофлик” таҳлилий маркази томонидан Конвенциянинг 5-моддаси (коррупциянинг олдини олиш ва унга қарши курашиш сиёсати ҳамда амалиёти) ижроси юзасидан, Ўзбекистон журналистларни қайта тайёрлаш маркази томонидан эса 13-моддаси (жамоатчилик иштироки) доирасида мониторинг ишлари олиб борилди. Ушбу мониторинг натижалари асосида муқобил ҳисоботлар тайёрланиб, кенг жамоатчиликка эълон қилинди.

Мазкур таҳлилий материалларда мамлакатимизда коррупцияга қарши курашиш соҳасида амалга оширилаётган ислоҳотлар, эришилган натижалар ҳамда мавжуд тизим самарадорлиги холис баҳоланди. Шунингдек, соҳани янада такомиллаштиришга қаратилган хулоса ва тавсиялар ишлаб чиқилди.

Коррупцияга қарши курашиш агентлиги
Ахборот хизмати

13 7 Босма версияси

Korrupsiyaga qarshi kurashish Axborot xizmati 01.05.2026

• Ҳаволадан нусха олиш