Коррупцияга қарши курашиш агентлиги, Иқтисодий жиноятларга қарши курашиш департаментининг Тошкент вилоят бошқармаси ҳамда «Ўзсувтаъминот» АЖ комплаенс хизмати билан ҳамкорликда Тошкент вилояти Пискент тумани «Гулистон» МФЙ ҳудудида жойлашган «Сағанак»сув иншоотини Пискент туман сув таъминоти филиали балансига ўтказиш объектида бажарилган қурилиш-монтаж ишлари ҳажми назорат ўлчовидан ўтказилди.

Ўрганишлар давомида “Тошкент вилояти сув таъминоти” АЖнинг Пискент тумани филиали раҳбари B.K., «А.» АЖ мансабдор шахслари ва бошқалар билан олдиндан жиноий тил бириктирган ҳолда, умумий қиймати 3 млрд 931,2 млн сўмлик сув қувурларининг 3 млрд 78,4 млн сўмлик қисми, яъни жами 14 800 метрини қазиб олиб, ўзлаштириш йўли билан талон-торож қилганлиги аниқланди.

Қайд этилган ҳолатлар юзасидан “Тошкент вилояти сув таъминоти” АЖнинг Пискент тумани филиали раҳбари B.K., «А.» АЖнинг мансабдор шахслари ҳамда бошқаларга нисбатан Иқтисодий жиноятларга қарши курашиш департаментининг Тошкент вилоят бошқармаси томонидан жиноят кодексининг 167-моддаси учинчи қисми «а» банди билан жиноят иши қўзғатилди.

Бундан буён ҳам коррупциянинг ҳар қандай кўринишларига қарши муросасиз кураш, ҳар бир қонунбузилиши ҳолати бўйича жазо муқаррарлигини таъминлаш қатъий давом эттирилади.

Коррупцияга қарши курашиш агентлиги

Ахборот хизмати

87 38 Босма версияси

Korrupsiyaga qarshi kurashish Axborot xizmati 27.04.2026

• Ҳаволадан нусха олиш