Жорий йилнинг 2-февраль куни Ҳуқуқни муҳофаза қилиш академиясида магистратура тингловчилари, докторантлар ва мустақил изланувчилар билан Ўзбекистон Республикаси Коррупцияга қарши курашиш агентлиги директори Акмал Бурхановнинг учрашув бўлиб ўтди.

Агентлик директори мамлакатимизда коррупцияга оид давлат сиёсатининг асосий йўналишлари, коррупциявий хавф-хатарлар юқори бўлган соҳалар, давлат ва хўжалик бошқаруви органларида коррупцияга қарши ички назорат тизимини жорий этиш, шунингдек давлат харидлари соҳасида коррупциянинг олдини олиш масалаларида амалга оширилаётган ишлар хусусида атрофлича маълумотлар берди.

Ўз навбатида, Академия тадқиқотчилари ўзларининг қизиқтирган саволларига жавоб олиш билан бирга, соҳани такомиллаштириш бўйича таклиф ва тавсияларини билдирдилар.

2628 1008 Босма версияси

Korrupsiyaga qarshi kurashish Axborot xizmati 02.02.2023

• Ҳаволадан нусха олиш