Agentlikda “Biz — donormiz!” xayriya aksiyasi o'tkaziladi
“Yuksalish” harakati tashabbusi bilan mamlakatimiz bo'ylab tashkil etilayotgan “Biz — donormiz!” xayriya aksiyasining navbatdagi tadbiri Korrupsiyaga qarshi kurashish agentligi hamkorligida bo‘lib o‘tadi.
Aksiyada 18 yoshdan oshgan, tibbiy qarshi ko‘rsatmalarga ega bo‘lmagan fuqarolar ishtirok etishi mumkin. Donorlar qon topshirishdan avval majburiy tibbiy ko‘rikdan o‘tkaziladi.

Aksiya davomida yig‘ilgan qon zaxiralari ehtiyojmand bemorlarga tibbiy yordam ko‘rsatish uchun yo‘naltiriladi.
Ushbu xayrli tashabbusga hissa qo‘shishni istagan yurtdoshlarimizni 5-iyun kuni soat 9:30 dan boshlab Agentlik binosida kutib qolamiz.
Korrupsiyaga qarshi kurashish agentligi
Axborot xizmati