Agentlik jamoasi umumxalq xayriya hasharida faol ishtirok etdi
Korrupsiyaga qarshi kurashish agentligida “Yurt obodligi, avvalo, mahalladan boshlanadi!” shiori ostida umumxalq xayriya hashari o‘tkazildi.

Ushbu xayrli tadbir doirasida Agentlik joylashgan binoning ichki va tashqi hududlarida obodonlashtirish ishlari amalga oshirildi. Xususan, hudud tozalandi, ko‘cha va yo‘laklar tartibga keltirildi.

Shuningdek, Agentlik hududida barpo etilgan bog‘ manzarali daraxtlar hamda gul ko‘chatlari bilan boyitilib, hududning ko‘rkamligi va ekologik muhiti yanada yaxshilandi.

Bunday ezgu tashabbuslarda Agentlik jamoasi kelgusida ham faol ishtirok etib, obodonlashtirish va ko‘kalamzorlashtirish ishlarini izchil davom ettiradi.

Korrupsiyaga qarshi kurashish agentligi
Axborot xizmati