“UzAuto Motors Powertrain” korrupsiyaga qarshi boshqaruv bo‘yicha xalqaro ISO 37001 standartiga muvofiqlik sertifikatini qo‘lga kiritdi

“UzAuto Motors Powertrain” aksiyadorlik jamiyatida komplayens-nazorat tizimi Korrupsiyaga qarshi kurashish agentligi bilan hamkorlikda xalqaro talablar asosida takomillashtirib borilmoqda.

Xususan, jamiyatda ichki siyosat va tartib-taomillar qayta ko‘rib chiqilib, korrupsiyaviy xavf-xatarlarni aniqlash, baholash va boshqarish mexanizmlari joriy etildi. Shu bilan birga, xodimlar o‘rtasida komplayens madaniyatini shakllantirishga qaratilgan tizimli o‘quv va targ‘ibot ishlari yo‘lga qo‘yildi.

Korxonada korrupsiyaga qarshi boshqaruv tizimi xalqaro standartlar talablariga muvofiq joriy etilib, samarali faoliyat yuritayotgani ISO 37001 xalqaro standarti bo‘yicha olingan sertifikat bilan tasdiqlandi.

Mazkur natija komplayens tizimini yanada rivojlantirish uchun mustahkam institutsional asos yaratib, jamiyat faoliyatining ochiqligi va ishonchliligini oshirishga xizmat qiladi.

Korrupsiyaga qarshi kurashish agentligi tomonidan “UzAuto Motors Powertrain” AJda komplayens hamda korrupsiyaga qarshi boshqaruv tizimlarini takomillashtirish, xavf-xatarlarni samarali boshqarish, shuningdek, barcha faoliyat yo‘nalishlarida shaffoflik va qonuniylik tamoyillarini ta‘minlash borasidagi amaliy hamkorlik izchil davom ettiriladi.

Korrupsiyaga qarshi kurashish agentligi

Axborot xizmati

38 15 For print

Korrupsiyaga qarshi kurashish Axborot xizmati 29.04.2026

• Copy link