Texnik tuzatish: Agentlik tomonidan bugun eʼlon qilingan reytingda X.Sulaymonova nomidagi Respublika sud ekspertizasi markazi texnik xatolik tufayli alohida baho ko‘rsatkichlari bilan qayd etilgan edi, aslida Markazning faoliyati Adliya vazirligi tizimida birgalikda baholangan. Shuni inobatga olib, Markaz ushbu reytingdan chiqarildi.

Shuning bilan birga, reyting ijtimoiy tarmoqlarda mazmunan noto‘g‘ri talqin qilinmoqda. Xususan, reytingda “qoniqarsiz” deb baholangan tashkilotlar “korrupsiyalashgan tashkilot” sifatida ko‘rsatilmoqda.

Vaholanki, mazkur reyting orqali qonunchilik hujjatlarida korrupsiyaga qarshi kurashishga oid belgilangan talablarni tashkilotlar tomonidan bajarilishi, ya’ni korrupsiyaga qarshi kurashish ishlarining samaradorligi baholangan.

Ta’kidlash joizki, biror bir tashkilotni “qoniqarsiz” natija qayd etganligi uning korrupsiyalashgan tashkilot ekanligini anglatmaydi. Yoki aksincha, “yaxshi” deb topilgan davlat tashkiloti faoliyati korrupsiyadan xoli degani emas.

Davlat tashkilotlarining korrupsiyalashganlik darajasi esa korrupsion jinoyatlar bo‘yicha statistik ma’lumotlar, ijtimoiy so‘rovlar orqali aholining korrupsiyani qabul qilish idroki va shu kabi tahliliy ko‘rsatkichlar asosida aniqlanadi.

Biz tomonimizdan e’lon qilingan reytingni korrupsion jinoyatlarga umuman aloqasi yo‘q. Qancha korrupsion jinoyatlar sodir etilgani, qancha zarar keltirilgani kabi savollar bu reyting predmeti emas. Shu bois uchbu reyting biror bir tashkilotni korrupsiyalashgan deb baholashga asos bo‘lmaydi.

OAV, jurnalist va blogerlardan reyting baholash natijalari bo‘yicha davlat organlari va tashkilotlari imijiga putur yetkazuvchi hamda jamoatchilik fikrini chalg‘ituvchi ma’lumotlar tarqatmaslikni so‘raymiz.

Korrupsiyaga qarshi kurashish agentligi

Axborot xizmati

1805 206 For print

Korrupsiyaga qarshi kurashish Axborot xizmati 08.04.2025

• Copy link