Asaka tumanida korrupsiyaning oldini olish bo‘yicha keng qamrovli dastur amalga oshiriladi
This material is so far published only in: Özbekça
Davlat rahbari raisligida islohotlar natijadorligi, hududlarda ishlarning borishi, aholini o‘ylantirayotgan masalalarga yechim topish yuzasidan o‘tkazilgan videoselektor yig‘ilishida belgilab berilgan topshiriqlar ijrosini ta'minlash maqsadida Korrupsiyaga qarshi kurashish agentligi va boshqa mas'ul tashkilotlar vakillaridan iborat Ishchi guruh Asaka tumanida qator soha va yo‘nalishlarda korrupsiya omillarini o‘rgandi.

Agentlik direktori Akmal Burxanov o‘rganishda aniqlangan muammo va kamchiliklardan kelib chiqib, tumanda korrupsiyaga qarshi murosasiz muhitni yaratish, zamonaviy yechimlar orqali jinoyatchilikdan xoli hududga aylantirish bo‘yicha Ishchi guruh tomonidan ishlab chiqilgan kompleks Dasturni tumandagi soha masʼullari bilan muhokama qildi.

Dasturda:
- taʼlim muassasalarida ustama tayinlash jarayonlarini avtomatlashtirish;
- davolanish uchun order berish va bemorlarni joylashtirish jarayonini Davlat xizmatlari markazlari orqali tashkil etish;
- bozorlar faoliyatini raqamlashtirish;
-yaqin qarindoshlarning bir-biriga bo‘ysunuvida ishlash holatlarini cheklash kabi muhim chora-tadbirlarni amalga oshirish ko‘zda tutilmoqda.

Masʼullar bilan Dasturning har bir yo‘nalishiga oid vazifalar ko‘rib chiqildi va ularni samarali amalga oshirish masalalari muhokama qilindi.
Korrupsiyaga qarshi kurashish agentligi
Axborot xizmati